Gabiriako Errezil Sagarra: Josu Osa kimatze eta inausketa maisua gurekin igandean

2018(e)ko azaroaren 13(a)

Josu Osa kimatze eta inausketa maisua gurekin igandean

#errezila18 Ohikoa da Josu Osa gurean ikustea. Aurten ere ez du hutsik egingo. Laister hasi beharko degu sagarrondoak inausten eta zalantzarik badegu, zer hobe Josuri galdetzea baino. Azoka gunean bere postua izango du eta bertan, galderak erantzuteaz gain, kimatze ariketa praktikoak ere egingo ditu.

Hiru sagarrondo mota

FRANKOA:

Orain dela 15-20 urterarte hau izan da errezil sagarrondoetan nagusi izan dena. Indartsua izan ohi da, 5-6 metroko luzera izan lezake eta 13-15 urte behar ditu aleak ematen hasteko. Hain indartsua eta handia izateak behar bezala inaustea eragotzi egiten du, eta ondorioz bi urtez behin eman ohi du alea.

M-106:

Erdi enanoa da. Azken hamabost urteotan, erabat nagusitu da inguru honetan. Ez da frankoa bezain indartsua eta handia, eta 7-8 urtea hasiko da aleak ematen.

MM-9:

Enanoa da. Batez ere soro lurretan aldatu ohi da eta aleak ematen berehala hasten denez, hirugarren urtera, ez du zuztar edo sustrai indartsurik; eta komeni da lotzea, bestela haizeak erraz ateratzen baitu.