Gabiriako Errezil Sagarra: Antolakuntzaren balorazioa

2018(e)ko azaroaren 18(a)

Antolakuntzaren balorazioa

Erbie elkarteko Gabino Murua antolatzaile nagusiak, eskerrak eman dizkie feria hau egiten laguntzen duten guztiei. Ohitura dugu esateko "irabazle Gabiriako errezil sagarra" eta gaur ere berdina errepikatu dugu.

Hiru sagarrondo mota

FRANKOA:

Orain dela 15-20 urterarte hau izan da errezil sagarrondoetan nagusi izan dena. Indartsua izan ohi da, 5-6 metroko luzera izan lezake eta 13-15 urte behar ditu aleak ematen hasteko. Hain indartsua eta handia izateak behar bezala inaustea eragotzi egiten du, eta ondorioz bi urtez behin eman ohi du alea.

M-106:

Erdi enanoa da. Azken hamabost urteotan, erabat nagusitu da inguru honetan. Ez da frankoa bezain indartsua eta handia, eta 7-8 urtea hasiko da aleak ematen.

MM-9:

Enanoa da. Batez ere soro lurretan aldatu ohi da eta aleak ematen berehala hasten denez, hirugarren urtera, ez du zuztar edo sustrai indartsurik; eta komeni da lotzea, bestela haizeak erraz ateratzen baitu.