Gabiriako Errezil Sagarra: Jakoba Errekondo aurtengo errezil sagar ferian

2017(e)ko azaroaren 10(a)

Jakoba Errekondo aurtengo errezil sagar ferian

#errezila19 Gonbidatu berezia izango dugu aurtengo errezil sagar ferian. Jakoba Errekondo agronomo eta paisajista gure artean izango da igande goiz osoan. Jakobak atera berri duen LANDAREAK LANTZEN liburuaren aurkezpena egiteaz gain, lore, landare eta baratzaren inguruan ditugun zalantzak argitzen arituko da. Jakoba ezaguna da egiten duen lanaz gain, Euskadi Irratiko larunbateroko irratsaioan egiten duen tarteagaitik. Ongi etorri Gabiriara Jakoba!

Udaletxeko arkupetan izango du bere txokoa Jakoba Errekondok

Hiru sagarrondo mota

FRANKOA:

Orain dela 15-20 urterarte hau izan da errezil sagarrondoetan nagusi izan dena. Indartsua izan ohi da, 5-6 metroko luzera izan lezake eta 13-15 urte behar ditu aleak ematen hasteko. Hain indartsua eta handia izateak behar bezala inaustea eragotzi egiten du, eta ondorioz bi urtez behin eman ohi du alea.

M-106:

Erdi enanoa da. Azken hamabost urteotan, erabat nagusitu da inguru honetan. Ez da frankoa bezain indartsua eta handia, eta 7-8 urtea hasiko da aleak ematen.

MM-9:

Enanoa da. Batez ere soro lurretan aldatu ohi da eta aleak ematen berehala hasten denez, hirugarren urtera, ez du zuztar edo sustrai indartsurik; eta komeni da lotzea, bestela haizeak erraz ateratzen baitu.