Gabiriako Errezil Sagarra

2017(e)ko azaroaren 16(a)

Eguraldi aurrikuspena iganderako

#errezila19 Andoni Aizpuruk igandean zein eguraldi egingo duenaren aurrerapena egin digu. Berri onak dittugu!

2017(e)ko azaroaren 15(a)

Goierri beheko ezti lehiaketa gurean

Argazkia Goierriko Hitza

Sagar lehiaketarik batera ohikoa da Goierri beheko ezti lehiaketa Gabirian egitea. Honek ere bere protagonismoa izango du aurtengo jardunean. Goierri beheko ezti ekoizleak bertan izango ditugu eta beraien hartean hiru onenak aukeratuko ditu epaimahaiak. Lehiaketaz gain panel informatiboak izango dira eta galderei erantzuteko arduradunak ere bai. Eskolako eraikineko dantzalekuan egingo da hori.

#errezila19

Korta jatetxekoak ere saltokian

#errezila19 Korta jatetxeko Lontxo Ormazabal eta bere familiak parte hartuko dute azokan. Lontxok, errezil sagar konpota dastatzeko aukera eskeiniko du eta errezilarekin egindako sagar tartak saltzen izango ditu.

2017(e)ko azaroaren 14(a)

Josu Osa aurten ere gurekin

#errezila19 Ohikoa da Josu Osa gurean ikustea. Aurten ere ez du hutsik egingo. Laister hasi beharko degu sagarrondoak inausten eta zalantzarik badegu, zer hobe Josuri galdetzea baino. Azoka gunean bere postua izango du eta bertan, galderak erantzuteaz gain, kimatze ariketa praktikoak ere egingo ditu. Benetan merezi su Josu entzutea eta bere espeientziaren berri izatea. Hortxe aukera. Animatu eta gerturatu bere postura.

Hiru sagarrondo mota

FRANKOA:

Orain dela 15-20 urterarte hau izan da errezil sagarrondoetan nagusi izan dena. Indartsua izan ohi da, 5-6 metroko luzera izan lezake eta 13-15 urte behar ditu aleak ematen hasteko. Hain indartsua eta handia izateak behar bezala inaustea eragotzi egiten du, eta ondorioz bi urtez behin eman ohi du alea.

M-106:

Erdi enanoa da. Azken hamabost urteotan, erabat nagusitu da inguru honetan. Ez da frankoa bezain indartsua eta handia, eta 7-8 urtea hasiko da aleak ematen.

MM-9:

Enanoa da. Batez ere soro lurretan aldatu ohi da eta aleak ematen berehala hasten denez, hirugarren urtera, ez du zuztar edo sustrai indartsurik; eta komeni da lotzea, bestela haizeak erraz ateratzen baitu.